Maghellan

Dor fohr von Hamburg mol so'n ohlen Kassen,
mit Namen heet he "Magelhan",
dar war bi Dag keen Tid to Brassen,
dat laat man all'ns bit Obends stohn.

Refrain:

Rolling home, rolling home,
Rolling home across the sea,
Rolling home to di, old Hamborg,
Rolling home, mien Deern, to di.

Refrain

Bi Dag dar kunn dat weihn un blasen,
dar wör noch lang keen Hand anleggt,
doch slög de Klock man eerst acht Glasen,
denn war de ganze Plünnkram streckt.

Refrain

Dat weer so recht den Doln sien Freten,
dat güng em över Danz un Ball,
harr Janmoot graad een Piep ansteken,
denn grööl he : "Pull in't Grootmarsfall !"

Refrain

Un up den heil'gen stillen Fridag,
geev't middags gele Arftenjüch,
un ok eenmol up'n Buß- un Beeddag,
dar seggt ds Kerl: "Den kennt wi nich."

Refrain

He harr sik aver böös verrekent,
de Lüüd, de segg'n :"wi arbeet' nich."
Dor schraal de Wind ok noch fif Streeken,
wat weer de Kerl dunn gnatterich.

Refrain

Doch nun mol eerst bi Licht bikeken,
wer Kaptein Wortmann lang nich slecht,
harr Smutje mol een Swien afsteken,
transcheer' he sölber dat torecht.

Refrain

Denn kreg'n de Lüüd, da t lot man lopen,
se freiden sik all up de Ti,
se kreg'n de Snuten u.n de Poten,
un gele Arftensupp dorbi.

Refrain

All Dag, dar wörrn de End terreten,
wie kunn dat denn ok anners gaan,
de hee'le Seefahrt de's bescheten,
toeerst de Klipper "Magelhan" !

Refrain